ХӨРӨНГИЙН ЗАХ ЗЭЭЛИЙН ӨДӨРЛӨГ АМЖИЛТТАЙ БОЛЛОО

     “Монголын хөрөнгийн бирж” ТӨХК-ийн санаачилгаар 2013 оны 1 дүгээр сарын 26-ны өдөр Монголын хөрөнгийн биржийн байранд зохион байгуулагдсан “Хөрөнгийн зах зээлийн өдөрлөг” амжилттай болж өндөрлөлөө.

     Энэхүү өдөрлөгт зах зээлд оролцогч мэргэжлийн байгуллагууд болох “Монголын хөрөнгийн бирж” ТӨХК, Санхүүгийн зохицуулах хороо, “ҮЦТТТХТ” ХХК, Арилжаа эрхлэгчдийн холбоо, МХБ-ийн гишүүн брокер дилерийн компаниуд, төлбөр тооцоо гүйцэтгэгч банкууд зэрэг байгууллагуудын нийт 100 гаруй ажилтан албан хаагчид 500 гаруй ард иргэдийг хүлээн авч дотоодын хөрөнгийн зах зээлийн талаарх бүхий л төрлийн мэдээ, мэдээллийг өгөхийн сацуу нэг цэгийн үйлчилгээг үзүүлж үнэт цаасны болон төлбөр тооцооны дансуудыг нээж үнэт цаасны арилжаа, хувьцаат компаниуд болон гүшүүн пүүсүүдийн талаар дэлгэрэнгүй мэдээллээр ханган ажилласан байна.

     Өдөрлөгийн үеэр 180 гаруй ирээдүйн хөрөнгө оруулагчид үнэт цаасны болон төлбөр тооцооны дансаа шинээр нээлгэсэн ба тус өдөрлөгөөс хойш үнэт цаасны данс шүүх болон нээх үйл ажиллагаа эрс идэвхижсэн үзүүлэлттэй байна.

Мэдээллийн Алба

МОНГОЛЫН ХӨРӨНГИЙН БИРЖ