• en
IPO

Арилжааны тайлан

Индекс

42996.09

( -53.7 -0.12% )
Индекс Нэгж Өөрчлөлт
Top 20 Индекс 42996.09 -53.7
MSE A Индекс 16700.69 -17.79
MSE B Индекс 12094.36 -29.39

Мэдээ мэдээлэл

5-Р САРЫН 7-НЫ ӨДРИЙН АРИЛЖААНЫ МЭДЭЭ

2024-05-07 17:33:30

Энэ өдөр нийт 16,754,198,609 төгрөгийн үнийн дүн бүхий арилжаа зохион байгууллаа.

"ХАСБАНК ХК-ИЙН ХУВЬЦААГ ЭРГҮҮЛЭН ХУДАЛДАЖ АВАХЫГ ШААРДАХ ЭРХИЙГ ХЭРЭГЖҮҮЛЭХЭЭР ШИЙДВЭРЛЭЛЭЭ

2024-05-07 16:25:17

ХасБанкны Төлөөлөн удирдах зөвлөлийн 2024 оны 5 дугаар сарын 02-ны өдрийн R-2024-25 дугаар тогтоолоор хувьцаа эргүүлэн худалдан авах үнийг 681.52 төгрөг (зургаан зуун наян нэгэн төгрөг тавин хоёр мөнгө)-өөр тогтоосон байна.

"ШИНЭСТ" ХК НОГДОЛ АШИГ ХУВААРИЛНА

2024-05-07 15:40:06

Нэгж хувьцаанд 4184.2 /дөрвөн мянга нэг зуун наян дөрвөн төгрөг хоёр мөнгө/ төгрөгөөр тооцож ногдол ашгийг хуваарилахаар шийдвэрлэсэн байна.

Мэдээ мэдээлэл

ЧИКАГОГИЙН ТАВААРЫН БИРЖ БОЛОН МОНГОЛЫН ХӨРӨНГИЙН БИРЖИЙН УДИРДЛАГУУД АЛБАН УУЛЗАЛТ ХИЙЛЭЭ

2024-04-26 19:15:14

АНУ-ын Нью-Йорк хотноо 4 дүгээр сарын 22-ны өдрөөс эхэлсэн “Монголын хөрөнгө оруулалтын долоо хоног” нэгдсэн арга хэмжээний хүрээнд “Монголын хөрөнгийн бирж” ХК-ийн төлөөлөл АНУ-д ажиллаж байна.

“Монголын хөрөнгийн бирж” ХК-ийн Бизнес хөгжлийн газрын захирал Т.Хаш-Эрдэнэ болон Монгол Улсаас АНУ-ын Чикаго хотод суугаа консулын газрын Дэд консул Г.Батхүрэл нарыг өчигдөр /2024-04-25/ Чикагогийн таваарын биржийн Металл бүтээгдэхүүний газрын захирал Алекс Алкантара /Alex Alcantara/, Корпорацийн стратеги бизнес хөгжлийн газрын захирал Данижел Медик /Danijel Medic/ нар хүлээн авч уулзлаа.

Уулзалтаар Чикагогийн таваарын биржээс Дэлхийн металлын үүсмэл үнэт цаасны зах зээлийн тойм, түүн дэх CME Group-ийн байр суурь болон металл бүтээгдэхүүнүүдий талаар дэлгэрэнгүй мэдээлэл өгч, “Монголын хөрөнгийн бирж” ХК-ийн Бизнес хөгжлийн захирал Т.Хаш-Эрдэнэ Монгол дахь зах зээлийн талаар тоон мэдээлэл болон биржийн хөгжил, үйл ажиллагааны талаар танилцуулга хийн, харилцан мэдээлэл солилцсон юм.

Түүнчлэн таваарын арилжааны туршлага солилцох, хүний нөөцийг чадавхжуулах, үүсмэл үнэт цаасыг Монгол Улсын зах зээлд нэвтрүүлэх, нүүрсний фьючерс, зэсийн фьючерс ба опцион чиглэлд хамтран ажиллахаар тохирлоо.

CME групп нь 1898 онд ашгийн бус корпораци хэлбэрээр байгуулагдсан дэлхийн хамгийн том санхүүгийн үүсмэл үнэт цаас арилжаалдаг бирж бөгөөд хөдөө аж ахуйн бүтээгдэхүүн, валют, эрчим хүч, металл, фьючерсийн гэрээ, опцион, хувьцааны индекс, криптовалютын фьючерсийн арилжаа зохион байгуулдаг.

Хөрөнгийн зах зээлд тэргүүлэгч тус бирж олон төрлийн хөрвөх чадвар өндөр металлын дериватив бүтээгдэхүүнийг санал болгодог ба Globex хэмээх цахим худалдааны платформыг ашиглан ойролцоогоор 150 орны үйлчлүүлэгчдэд фьючерс болон опционы гэрээг худалдаалах боломжийг бий болгодог.

CME-ийн метал бүтээгдэхүүн:

Алтны фьючерс ба опцион (GC), мөнгөн фьючерс ба опцион (IS), зэсийн фьючерс (HG), цагаан алтны фьючерс ба опцион (pl), палладийн фьючерс (PA), И-мини алтны фьючерс (QO), Микро алтны фьючерс (MGC)

 

МОНГОЛЫН ХӨРӨНГИЙН БИРЖ