Иргэдийг үр ашигтай хөрөнгө оруулалт хийх, идэвхтэй хариуцлагатай үнэт цаас эзэмшигч болгох, нийгмийн баялагаас шударгаар хувь хүртэх, хөрөнгийн зах зээл дэх иргэдийн оролцоог нэмэгдүүлэх зорилгоор "БИ ДИ СЕК" ҮЦХКомпани санаачилан 2014 оны 9 дүгээр сарын 05-ны өдөр тус арга хэмжээг зохион явууллаа.
Арга хэмжээнд 1000 гаруй хүн хүрэлцэн ирсэн бөгөөд залуу эрдэмтэн,
мэргэжилтэн, салбарын удирдлагууд хөрөнгийн зах зээлийн талаарх анхан
шатны мэдлэгийг үнэт цаасны зах зээлийг сонирхогч ард иргэд, оюутан
залуучуудад олгосон.
"Монголын Хөрөнгийн Бирж"-ийн Гүйцэтгэх захирлын үүрэг гүйцэтгэгч Д.Ангар “Хөрөнгийн зах зээлийн өнөөгийн байдал, авч хэрэгжүүлэх хөтөлбөр, зорилго” сэдвээр, “Биржийн арилжааны программ, туршилтаар арилжаа хийх ажиллагаа” сэдвээр Дэд захирлын үүрэг гүйцэтгэгч Б.Чингүнжав нар дэлгэрэнгүй илтгэл тавьж, компанийн үндсэн үйл ажиллагааны талаар мэдээлэл хийж, мэргэжилтнүүд сурталчилгаа, зааварчилгаа, зөвлөгөө өгч ажиллаа.
Мэдээллийн алба
МОНГОЛЫН ХӨРӨНГИЙН БИРЖ
МОНГОЛЫН ХӨРӨНГИЙН БИРЖ