Санхүүгийн зохицуулах хорооны 2022 оны 05 дугаар сарын 25-ны 274 тоот тогтоолын дагуу "Эрдэнэс Сольюшинс" ХК-ийн нийтэд санал болгон нэмж гаргаж буй нэг бүр нь 10 төгрөгийн нэрлэсэн үнэ бүхий 18,521,598 ширхэг энгийн хувьцааг бүртгэн тус компанийн нийт гаргасан хувьцааг 176,396,168 ширхэг байхаар үнэт цаасны бүртгэлд өөрчлөлт оруулсан.
Түүнчлэн, тус тогтоолын 1-д заасан хувьцаанаас 16,572,469 ширхэг хувьцааг тогтоосон үнийн аргаар нэг бүрийг нь 108 төгрөгөөр олон нийтэд санал болгон худалдах бөгөөд анхдагч зах зээлийн арилжааг 2022 оны 6 дугаар сарын 22-ны өдрөөс 28-ны өдрүүдэд зохион байгуулна. Анхдагч зах зээлийн арилжааны захиалгын эрэлт дээрх хэмжээнээс давсан тохиолдолд нэмж 1,949,129 ширхэг /нийтэд санал болгож буй хувь, хэмжээг 10.5% хүртэл/ хүртэлх энгийн хувьцааг арилжаалахаар төлөвлөсөн байна.
"Эрдэнэс Сольюшинс" ХК-ийн нийтэд санал болгон нэмж гаргаж буй хувьцааны талаар дэлгэрэнгүйг энд дарж үзнэ үү.
МОНГОЛЫН ХӨРӨНГИЙН БИРЖ