Монголын Хөрөнгийн биржийн 1-р ангилалд бүртгэлтэй "Монос Хүнс" ХК нь 2021 оны эхний хагас жилийн санхүү, үйл ажиллагааны тайланг Гүйцэтгэх захирал А.Отгондарь цахим хэлбэрээр олон нийтэд нээлттэй танилцууллаа.

Нэгдсэн дүнгээр "Монос Хүнс" ХК-ийн борлуулалтын орлого 38 хувиар, цэвэр ашгийн хэмжээ 36 хувиар тус тус өссөн байна. Борлуулалтын  өсөлтөд  Шингэн хүнсний үйлдвэрлэл 2.3 дахин өссөн нь эерэг нөлөөлөл үзүүлсэн юм.

Энэ оны эхний хагас жилд шинээр эрүүл мэндийн ундаа Vita 500, биологийн нэмэлт бүтээгдэхүүн болох shot зэрэг бүтээгдэхүүнийг гаргаснаар борлуулалтын орлого 7.4 тэрбум төгрөгт хүрсэн бол цэвэр ашиг өмнөх оны мөн үеэс 145 сая төгрөгөөр өсч 545 сая төгрөгт хүрсэн байна.

Тайланг бүрэн эхээр Энд дарж үзнэ үү.

МОНГОЛЫН ХӨРӨНГИЙН БИРЖ