"Ард Кредит ББСБ" ХК нь 2011 онд үүсгэн байгуулагдаж, холбогдох хууль тогтоомж, Санхүүгийн зохицуулах хорооноос олгосон тусгай зөвшөөрлийн хүрээнд үйл ажиллагаагаа явуулсаар ирсэн бөгөөд 2018 онд Санхүүгийн зохицуулах хорооноос цахим төлбөр тооцоо, мөнгөн гуйвуулгын үйлчилгээний тусгай зөвшөөрөл авсан болно. Харин Үндэсний төлбөрийн системийн тухай хууль 2018 оны 1 дүгээр сарын 01-ний өдрөөс хэрэгжиж эхлэн үндэсний төлбөрийн системтэй холбоотой бүх асуудалд Монголбанк хяналт тавихаар болсны дагуу Монголбанкнаас уг асуудлаар тодруулга хүсэхэд цахим мөнгөний тусгай зөвшөөрөл авах шаардлагатай гэсэн хариу өгсөн. Үүний дагуу 2019 оны 9 сард Монголбанкинд цахим мөнгөний тусгай зөвшөөрөл авах тухай хүсэлтээ гаргасан болно.
Уг тусгай зөвшөөрөл хүссэн хүсэлт, баримт бичгийг Монголбанкнаас хянаж үзэн нэмэлт материал ирүүлэхийг хүссэн бөгөөд шаардлагатай материалуудыг хүргүүлэхээр "Ард Кредит ББСБ" ХК ажиллаж байна.
Мэдээллийн дэлгэрэнгүйг Энд дарж үзнэ үү.
МОНГОЛЫН ХӨРӨНГИЙН БИРЖ